കരളില്‍ കനവ് കൊരിയിട്ടീയിരവിന്‍ കോണി -
ന്നിരുളിലെവിടെയോ എന്‍ നിദ്രയൊളിപ്പൂ
സ്വപ്ന മര്‍മ്മരങ്ങള്‍ക്ക് കാതോര്‍ത്ത് പൂര്‍വ്വ
സ്മരണകളില്‍ മനം പിടഞ്ഞസ്വസ്ഥമാകുന്നു
ഉണര്‍ത്തുന്നില്ല നിന്നെയുമോര്‍മ്മകളെയും
ഒരു ഗദ്ഗതത്തിന്‍ നെടുവീര്‍പ്പിനാല്‍ പോലും
നീയുറങ്ങുക, മധുരസ്വപ്നങ്ങളുടെ മടിത്തട്ടില്‍
ഒരു കുളിര്‍ തെന്നലിന്‍ തലോടലേറ്റ് മയങ്ങുക
നിദ്രാവിഹീനമീ നിശയില്‍ സ്മൃതികള്‍ക്ക് കാവലായ്‌
ഞാനീ ഏകാന്തതയെ പുതച്ചു കിടക്കട്ടെ .
No comments:
Post a Comment