Tuesday, December 27, 2011

കപടന്‍



കവലയിലെത്തുംപോള്‍ കാരുണ്യവാനിവന്‍
കണ്ണാടി നോക്കുവാന്‍ ഭയമുള്ള കപടന്‍ 

അയലത്തെ പയ്യിന്‍റെ മരണമോര്‍മ്മിപ്പിച്ചത്
കാലത്തിറച്ചി വാങ്ങിയ കാശിന്‍റെ നഷ്ടം 

നാട്ടിലെ പീഡന വാര്‍ത്തയോര്‍മ്മിപ്പിച്ചത്
വീട്ടിലാണ്‍മക്കള്‍ മാത്രമുണ്ടായതിന്നാശ്വാസം 

അര്‍ദ്ധമുള്ളവന് ദാനം നല്‍കിയത് 
കൃത്യമായി തിരികെ കിട്ടുമെന്നുറപ്പില്‍

ക്രുധയാം ഭ്രാന്തി തെരുവില്‍ അലയുന്നതോര്‍മ്മിപ്പിച്ചത്
വൃദ്ധ സദനത്തിന്‍ തടവറയില്‍ അമ്മയുടെ സുരക്ഷയെ.

അമ്പല നടയില്‍ ഭിക്ഷ കൊടുക്കുമ്പോള്‍ നോക്കിയത് 
അമ്പാടി കണ്ണനാ കാഴ്ച കണ്ടോയെന്നുറപ്പിക്കാന്‍ 

സുന്ദരന്‍ സുമുഖന്‍ സുശീലന്‍ ഞാനെങ്കിലും 
കണ്ണാടി നോക്കുവാന്‍ ഭയമുള്ള കപടന്‍ ...!!!

No comments:

Post a Comment