Friday, September 30, 2011

നുറുങ്ങുകള്‍

കണി -
മതവെറി കൊണ്ടു മതിഭ്രമം
കാഴ്ചകളിലെന്നും കാമ ജ്വരം
അടിയാന്‍ ഉടയാത്തോരീ നാളില്‍
കണി വയ്ക്കുന്നത് കന്യകാത്വം മാത്രം ...!!!
-----------------------------------------------------
വല -
വയറിന്‍ വിളിയകലാന്‍ വരുമാ
വഴിയില്‍ വേടവല തന്‍ പൊലിമ
ഇഴതന്‍ പൊരുളറിയാ കിളി തന്‍
പ്രാണവിളികളാ വലയിലലറിയമരുന്നു .!!!
--------------------------------------------------------
പുക -
അകം പുകച്ച് ആലോചിച്ചു
അടുപ്പെങ്ങനെ പുകയ്ക്കാം
അടുത്തെങ്ങും പുകയില്ലെന്നു
അടികണ്ടരിക്കലം പിറുക്കുന്നു
ഇന്നടുപ്പക്കാര്‍ ഖേദിക്കുന്നു
അവനെന്തിനവരേം പുകച്ചെന്ന് ....!!!
--------------------------------------------------------
തിരക്ക്‌ -
തിരക്കെന്നെ തിരക്കിയെത്തുന്നു
തിരിച്ചെന്നെ തിരുകിയകറ്റുന്നു
അടുത്തെത്താന്‍ അകലമേറുന്നു
അകലത്തില്‍ അഴലേറുന്നു....!!!
----------------------------------------------------

No comments:

Post a Comment